काठमाडौं । भारतीय सिनेमाका दुई बहुप्रतीक्षित फिल्म कान्तारास् च्याप्टर १ र महावतार नरसिंह औपचारिक रूपमा ओस्कारको दौडमा प्रवेश गरेका छन्। एकेडेमी अफ मोशन पिक्चर आर्ट्स एन्ड साइन्सेसले सार्वजनिक गरेको २०१ फिल्मको वार्षिक योग्यता सूची (General Entry List) मा यी दुवै फिल्म समावेश भएका हुन्।
निर्माण कम्पनी होम्बाले फिल्म्सले सामाजिक सञ्जालमार्फत आफ्नो २०२५ का दुई ठूला रिलिजलाई ओस्कार विचारार्थ दर्ता गराइएको पुष्टि गरेको छ। यो सूचीमा परेपछि ती फिल्महरू उत्कृष्ट फिल्म, निर्देशन, अभिनय, छायांकन, प्रोडक्सन डिजाइन र पटकथा लगायत विभिन्न विधामा मनोनयनको सम्भावनामा रहनेछन्, यद्यपि अन्तिम छनोटका लागि अझै धेरै चरण पार गर्नुपर्ने हुन्छ।
‘कान्तारास् च्याप्टर १’-पौराणिक जरा र बक्स अफिस दबदबा
रिशभ शेट्टी निर्देशित कान्तारास् च्याप्टर १ ले मूल फिल्मको कथा संसारलाई अझ गहिराइमा विस्तार गर्दै पौराणिक तत्व र सांस्कृतिक पहिचानलाई भव्य रूपमा प्रस्तुत गरेको छ। रुक्मिणी वसन्त र गुलशन देवैया प्रमुख भूमिकामा रहेको यो प्रिक्वेलले विश्वभर ८५० करोड रुपैयाँभन्दा बढी कमाइ गर्दै २०२५ कै सबैभन्दा धेरै कमाउने भारतीय फिल्ममध्ये स्थान बनाएको छ।
आलोचकहरूले फिल्मको विश्व निर्माण, प्राकृतिक लोकेसनको प्रयोग र लोककथालाई केन्द्रमा राखिएको कथावाचनको खुलेर प्रशंसा गरेका छन्। अन्तर्राष्ट्रिय समीक्षकहरूले समेत यसको प्राविधिक पक्ष, ध्वनि डिजाइन र दृश्यात्मक प्रस्तुतीलाई उल्लेखनीय मानेका छन्।
भारतीय एनिमेसनको नयाँ अध्यायस् ‘महावतार नरसिंह’
होम्बालेको अर्को महत्वाकांक्षी परियोजना महावतार नरसिंह ले भारतीय एनिमेसन फिल्मलाई नयाँ उचाइमा पुर्याएको छ। पौराणिक कथामा आधारित यो फिल्मले विश्वव्यापी रूपमा ३२५ करोड रुपैयाँभन्दा बढी कमाइ गर्दै भारतकै सबैभन्दा सफल एनिमेटेड फिल्मको कीर्तिमान बनाएको छ।
सूक्ष्म कलात्मकता, विशाल एक्सन दृश्य र धार्मिक-सांस्कृतिक भावनालाई समेटिएको कथाले यो फिल्मलाई अन्तर्राष्ट्रिय स्तरमा पनि फरक पहिचान दिएको छ। ओस्कार सूचीमा यसको प्रवेशलाई भारतीय एनिमेसन उद्योगका लागि महत्वपूर्ण उपलब्धिका रूपमा हेरिएको छ।
भीडभाडको प्रतिस्पर्धा, तर आशा कायमै
यो वर्षको ओस्कार जनरल एन्ट्री सूचीमा जुरासिक वर्ल्ड रिबर्थ, मिसनस् इम्पोसिबल -द फाइनल रेकनिङ, एफ१, लिलो एन्ड स्टिच जस्ता हलिउडका ठूला फिल्महरू पनि समावेश छन्। सूचीमा पर्नु मात्रै मनोनयनको ग्यारेन्टी भने होइन, किनकि अन्तिम सूचीसम्म पुग्न कडा छानबिन र मतदान प्रक्रिया पार गर्नुपर्ने हुन्छ।
भारतीय तर्फबाट टुरिस्ट फ्यामिली, तन्वी द ग्रेट र सिस्टर मिडनाइट पनि यस वर्षको दौडमा छन्। यसैबीच, नीरज घायवान निर्देशित होमबाउन्ड भने उत्कृष्ट अन्तर्राष्ट्रिय फिल्मतर्फ अन्तिम १५ फिल्मको सर्टलिस्टमा परिसकेको छ।
जनवरीको अन्त्यतिर सार्वजनिक हुने अन्तिम मनोनयन सूचीमा कुनै भारतीय फिल्म स्थान बनाउन सक्छ कि सक्दैन भन्नेमा अहिले सम्पूर्ण फिल्म उद्योगको चासो केन्द्रित छ।
-1768040327.jpg)
-1768033545.jpg)
-1768026512.jpg)
-1768025453.jpg)
-1768040327.jpg)
-1768033545.jpg)
-1768026512.jpg)
-1768025453.jpg)
-1768040327.jpg)
-1767864749.jpg)
