काठमाडौं । फुटबल विश्वकपको माहोल विश्वभर चुलिँदै जाँदा नेपालमा पनि त्यसको उत्साहलाई लक्षित गर्दै होटल व्यवसायले नयाँ अवधारणा अघि सारेको छ। इटहरीस्थित रामादा बाई विन्धाम इटहरी ले फुटबलप्रेमीहरूका लागि विशेष ‘स्टेकेशन’ प्याकेज सार्वजनिक गरेको छ, जसले होटलमै बसेर विश्वकपको रोमाञ्च अनुभव गर्ने अवसर दिनेछ।
‘Big Match on TV, Premium Service on Call’ नाम दिइएको यो प्याकेज सार्वजनिक स्थलको भीडभाडबाट टाढा, आरामदायी र निजी वातावरणमा विश्वकप हेर्न चाहनेहरूलाई लक्षित गरेर ल्याइएको हो। होटलका अनुसार यस प्याकेजअन्तर्गत पाहुनाहरूले आफ्नै कोठामा बसेर फिफा विश्वकपका सम्पूर्ण खेलहरूको प्रत्यक्ष प्रसारण हेर्न सक्नेछन्। प्रत्येक कोठामा टेलिभिजनको व्यवस्था भएकाले बार वा सार्वजनिक प्रदर्शनस्थलको भीडभाडबिनै सहज रूपमा खेलको मजा लिन सकिनेछ। चाहे एक्लै खेल हेर्न चाहने हुन् वा साथीभाइसँग बसेर विश्वकपको उत्साह साट्न चाहने, दुवैका लागि यो प्याकेज उपयुक्त हुने होटलको दाबी छ।
प्याकेजको शुल्क एक जनाका लागि ६ हजार ५ सय रुपैयाँ र दुई जनाका लागि ७ हजार ५ सय रुपैयाँ तोकिएको छ, जसमा सबै कर समावेश छन्। यससँगै पाहुनाले भेज तथा ननभेज स्न्याक्स, बियर, स्विमिङ पुल, साउना र स्टीम सुविधाको समेत लाभ लिन सक्नेछन्।
विश्वकपको रोमाञ्चलाई अझ विशेष बनाउन होटलले सेमिफाइनल र फाइनल खेलका अवसरमा विशेष बिग स्क्रिन भ्यूइङ कार्यक्रम पनि आयोजना गर्ने जनाएको छ, जहाँ सामूहिक रूपमा खेल हेर्ने छुट्टै अनुभव प्रदान गरिनेछ। यसबाहेक, उपलब्धताका आधारमा बेलुकी ४ बजेसम्म अर्ली चेक–इन तथा लेट चेकआउट सुविधा पनि उपलब्ध हुनेछ। साथै होटलभित्रका अतिरिक्त खानपान सेवामा १० प्रतिशत छुट समेत प्रदान गरिने होटलले जनाएको छ।
होटल व्यवस्थापनका अनुसार यो प्याकेजले रिसोर्टस्तरको आरामदायी बसाइ र विश्वकपको रोमाञ्चलाई एउटै अनुभवमा जोड्ने लक्ष्य राखेको छ। व्यवसायिक यात्रा, पारिवारिक भ्रमण वा छोटो विश्रामका क्रममा पनि फुटबलप्रेमीहरूले कुनै खेल नछुटाई सहज रूपमा विश्वकपको आनन्द लिन सक्ने विश्वास होटलले व्यक्त गरेको छ।
पूर्वी नेपालको प्रमुख व्यावसायिक केन्द्र इटहरीमा रहेको रामादा बाई विन्धाम इटहरी मा ८१ वटा आधुनिक कोठा तथा सुइट, चारवटा भोजन स्थल, ब्यान्क्वेट हल, ओपन लन, स्विमिङ पुल र आधुनिक फिटनेस सेन्टरलगायतका सुविधा उपलब्ध छन्। होटलले अन्तर्राष्ट्रियस्तरको आतिथ्य सेवालाई नेपाली आतिथ्य संस्कृतिसँग जोड्दै पूर्वी नेपालको प्रमुख हस्पिटालिटी गन्तव्यका रूपमा आफ्नो पहिचान विस्तार गरिरहेको जनाएको छ।
